Thunderbird prófunarútgáfa

Sækja Thunderbird — íslenska

Kerfið þitt stenst ekki þær kröfur sem þarf til að keyra Thunderbird.

Fylgdu þessum leiðbeiningum til að setja upp Thunderbird.

Stýrikerfi og tungumál • Hvað er nýtt • Friðhelgi

Ætti ég að nota Beta-prófunarútgáfuna?

Viltu hjálpa hinu alþjóðlega Thunderbird-samfélagi með því að finna og tilkynna villur? Þá er beta-prófunarútgáfan frábær kostur fyrir þig, því hún kemur með ýmsar lagfæringar og nýja eiginleika löngu áður en þeir koma út!

Mikilvæg umhugsunaratriði

Áður en þú sækir og prófar beta-útgáfuna, eru nokkur mikilvæg atriði sem þarf að hafa í huga:

Uppsetning Beta-prófunarútgáfunnar mun skipta út forritinu þínu sem nú er uppsett, nema þú farir eftir leiðbeiningunum í Hvernig á að setja upp og keyra Beta-prófunarútgáfuna.
Þú ættir endilega að gera regluleg öryggisafrit til að vernda Thunderbird-notendasniðin þín.
Nýir eiginleikar gætu verið ófullgerð verk í vinnslu, vegna þess að stundum þarf nokkrar vikur til að fullgera og fínslípa kóðann. Beta-spjallsvæðið gæti veitt frekari upplýsingar um framvindu tiltekinna eiginleika.
Búast má við göllum. Gallar sem hafa mikil áhrif, þar með talið gagnatap, eru mjög sjaldgæfir en geta komið fram. Verðu þig með því að taka öryggisafrit. Ekki er víst að gallar sem hafa lítil áhrif séu lagaðir fljótt, vegna þess að lagfæringum er forgangsraðað eftir mikilvægi.
Búast má við sjö uppfærslum á mánuði, einni meiriháttar uppfærslu á mánuði auk nokkurra smáuppfærslna. Þessi uppfærslutíðni gerir okkur kleift að gera hraðari endurbætur.
Ertu að nota POP-póstreikninga? Ólíkt IMAP-reikningum er eina afritið af POP-póstinum þínum á staðbundna Thunderbird-notandasniðinu þínu. Ef þú vilt bæta POP-reikningi við Beta-prófunarútgáfuna, eru valkostir þínir eftirfarandi:
1. Eftir uppsetningu, farðu í ≡ > Stillingar reiknings > Stillingar netþjóns og gakktu úr skugga um að "Skilja póst eftir á netþjóni" sé merkt og valkosturinn „Í allt að [X] daga“ sé afmerkt.
2. Haltu sjálfgefnum stillingum. Skilaboð verða fjarlægð af þjóninum 14 dögum eftir að þau eru sótt, svo þú þarft annað hvort að vera áfram á beta-útgáfunni eða læra hvernig á að færa POP-gögnin þín aftur í notandasnið venjulegu útgáfunnar.
Ef þú ert með póstsíur sem til dæmis flytja póst í staðbundnar möppur, þá verður að ákveða hvar á að keyra síurnar - á Beta-notandasniðinu þínu eða hinum notendasniðunum þínum.

Viðbætur

Höfundar viðbóta eru ekki skyldugir til að láta viðbætur sínar virka í Beta-prófunarútgáfum. Sumar eða allar viðbæturnar þínar munu kannski ekki virka. Eða ef þær virka í dag, gætu þær virkað ekki á morgun. Skoðaðu algengar spurningar um viðbætur ef þú átt í erfiðleikum.

Hvernig á að setja upp og keyra Beta-prófunarútgáfuna

Þú hefur tvo kosti til að setja upp Beta-prófunarútgáfu: Valkostur 1 gerir þér kleift að keyra Beta samhliða stöðugri útgáfu af Thunderbird og Valkostur 2 uppfærir fyrirliggjandi uppsetningu.

Keyra stöðugu- og Beta-útgáfurnar hlið við hlið (ráðlagt).

Thunderbird 102 og nýrri á Windows mun setja Beta-prófunarútgáfuna upp í eigin forritamöppu. Fyrir eldri útgáfur á Windows ættirðu að skoða aðstoðargreinina um prófunarútgáfur. Fyrir önnur stýrikerfi skaltu nota þá uppsetningaraðferð sem hentar stýrikerfinu þínu til að miða á tiltekna nafngreinda möppu.

Þetta val hefur þann kost að þvinga fram sérsniðið notandasnið fyrir hvert tilvik Thunderbird, sem gerir kleift að þú að bæði venjulega útgáfan og Beta-prófunarútgáfan geti unnið sjálfstætt. Þannig að þú getir:

Ræst venjulega útgáfu Thunderbird (á meðan Beta-prófunarútgáfan er ekki í gangi) og mun hún nota "default" (eða default-release) notandasniðið.
Ræst Beta-prófunarútgáfuna af Thunderbird (með venjulegu útgáfuna ekki í gangi) og hún mun nota default-beta notandasniðið. Við fyrstu notkun mun Thunderbird búa til default-beta notandasniðið og muntu verða beðin/n um að skilgreina reikningana þína. Ef þú þarft að flytja gögn úr venjulega notandasniðinu þínu yfir í Beta-notandasniðið, skaltu skoða aðstoðargreinina um Beta-prófunarútgáfur.

Uppfæra fyrirliggjandi Thunderbird-uppsetningu þína í Beta-útgáfu.

Settu einfaldlega Beta-prófunarútgáfuna upp yfir fyrirliggjandi forritið þitt með því að nota sjálfgefna uppsetningarvalkosti. Prófunarútgáfan mun þá nota núverandi (venjulega) sjálfgefna notandasniðið þitt. Vegna þess að það notar sjálfgefna notandasniðið, gerir þetta val að verkum að erfiðara verður að skipta aftur yfir í venjulegu útgáfuna, ef þú vilt gera það í framtíðinni. Með öðrum orðum, þú ættir ekki að skipta fram og til baka á milli Beta-prófunarútgáfna og venjulegra útgáfna alltaf með sama notandasniðið.

Til að sjá mjög nákvæmar upplýsingar um báðar aðferðirnar, skaltu skoða aðstoðargreinina um Beta-útgáfur.

Hvernig fer ég til baka í venjulegu útgáfuna?

Ef þú settir Beta-útgáfuna upp yfir venjulegu útgáfuna (Valkostur 2 hér að ofan), þá verður ferlið flóknara. Endilega skoðaðu þessa aðstoðargrein um Beta-prófunarútgáfur.

Ef þú settir Beta-prófunarútgáfuna upp í eigin forritamöppu (Valkostur 1 hér að ofan) og þú notaðir sérsniðið notandasnið fyrir Thunderbird, þá skaltu ræsa venjulegu útgáfuna af Thunderbird og hún ætti að nota venjulega notandasniðið þitt. Ef þú ætlar ekki lengur nota Beta-prófunarútgáfuna og þarft ekki nein af gögnunum úr henni (nafnaskrár, staðbundnar möppur, POP-möppur o.s.frv.), og vilt fjarlægja Beta-gögnin og Beta-forritið úr kerfinu þínu:

Ræstu venjulegu útgáfuna af Thunderbird til að nota notendasniðsstjórann.
Finndu og eyddu Beta-notandasniðinu, sjálfgefið heiti er „default-beta“.
Eyddu forritamöppu Beta-útgáfunnar.

Ef þú þarft að afrita gögn úr Beta-notandasniðinu yfir í venjulega notandasniðið þitt skaltu skoða aðstoðargreinina um Beta-útgáfur.

Tilföng og aðstoð

Opnaðu hjálparvalmynd Thunderbird til að skoða gagnleg verkfæri og tilvísanir. Mikilvæg atriði til að hafa í huga:

Útgáfuupplýsingar eru veittar fyrir hverja uppfærslu í:
- ≡ > Hjálp > Um hugbúnaðinn > Útgáfuupplýsingar.
Sendu spurningar um venjulega notkun Thunderbird á Thunderbird-aðstoðargáttina.
Spyrðu sértækar spurningar varðandi aðstoð vegna beta-prófana og athugasemda á beta-spjallborðinu, eða flettu því til að sjá hvað aðrir beta-notendur eru að ræða. Spjallborðið starfar á ensku, svo ef þú þarft aðstoð á öðru tungumáli skaltu biðja um hjálp á Thunderbird-aðstoðargáttinni.
Ef þú finnur vandamál skaltu reyna að endurtaka vandamálið í úrræðaleitarham og senda síðan villuskýrslu fyrir Thunderbird eða Calendar.
≡ > Verkfæri > Flytja út er hægt að nota til að taka öryggisafrit af notandasniðinu þínu eða til að komast fljótt í notandasniðsmöppuna þína.
≡ > Fara > Upphafssíða (eða upphafssíða Beta-prófunarútgáfu) er með handhægar tilvísanir í nokkur af ofangreindum atriðum og fleira.