Wa't wy binne

Kom yn de kunde mei Thunderbird

Thunderbird is in fergese en iepenboarne softwareprojekt oprjochte yn 2003 om kommunisearjen en gearwurkjen better te meitsjen. Wy wurde stipe troch it talint en romhannichheid fan tûzenen persoanen en binne ûnderdiel fan de Mozilla-famylje. Essinsjele wearden liede ús en meitsje ús wurk relevant. Lês fierder om mear te learen.

Wearden

Mienskip

Organisaasje

Us misje

Laad troch Wearden

Privacy

Jo binne net it produkt.

Foar ús binne gegevenseigendom en privacy jo rjocht, wêr’t jo ek wenje. Us ynset foar jo persoanlike gegevens is ienfâldich:

Wy sammelje of bewarje jo gegevens, útsein as jo ús freegje dit te dwaan.
Wy besteegje in protte soarch om it feilich te hâlden tsjin misbrûk.
Wy sille se nea ferkeapje.
Jo behâlde it eigendom en de kontrôle deroer.

Lês it privacybelied

Frijheid

Thunderbird is fan jo (en fan de wrâld).

Thunderbird is fergees en iepen boarne software, wat betsjut dat de koade beskikber is om frij yn te sjen, te wizigjen, te brûken en te dielen. De lisinsje soarget der ek foar dat it foar altyd fergees bliuwt. Jo kinne Thunderbird tinke as in kado fan tûzenen meiwurkers oan jo.

Mear oer MPL 2.0

Stim

Jo hawwe in oandiel yn de takomst fan Thunderbird.

Thunderbird is frij fan de kommersjele easken en stimulânsen dy’t faaks softwareûntwikkeling liede. Elkenien kin belutsen wurde by it helpen om Thunderbird better en beskikber te meitsjen foar mear minsken. In troch meiwurkers keazen ried soarget derfoar dat Thunderbird trou bliuwt oan syn wearden en misje.

Oandreaun troch de Mienskip

Elkenien kin helpe om Thunderbird better te meitsjen. Programmeurs kinne bydrage oan funksjes dêr’t se hertstochtlik oer binne of de besteande koade ferbetterje. Wa’t meartalich is, kin Thunderbird foar elkenien tagonklik meitsje. Wa’t dat wol, kin nije ferzjes fan Thunderbird teste en problemen dokumintearje. Der binne in protte manieren om diel te wurden fan in bloeiende mienskip dy’t Thunderbird unyk makket. En as jo gjin tiid hawwe om frijwilligerswurk te dwaan, kinne jo it projekt stypje mei in finansjele bydrage.

Lês hoe’t jo meidwaan kinne

Beheard troch meiwurkers

It Thunderbird-projekt wurdt laat troch de Thunderbird Council, in keazen orgaan dat funksjonearret as in rie fan bestjoer foar in iepenboarneprojekt. Dizze ried, oprjochte yn 2014, wurdt keazen troch meiwurkers en fungearret as harren stim by it bepalen fan de strategyske rjochting en doelen fan Thunderbird. De Councel hâldt tafersjoch op fûnsen, keurt budzjetten goed en jout foarm oan de produktrûtekaart, sadat Thunderbird trou bliuwt oan syn kearnwearden.

Mear witte oer de Thunderbird Council

Philipp Kewisch

Foarsitter fan de Ried

Patrick Cloke

Riedsekretaris

Magnus Melin

Riedslid

Michele Zelco

Riedslid

Tim Maks van den Broek

Riedslid

Teal Dulcet

Riedslid

Part fan de Mozilla-famylje

Thunderbird wurket as in aparte dochterûndernimming mei winsteachmerk fan de Mozilla Foundation. Dizze struktuer jout ús de fleksibiliteit om opsjonele betelle tsjinsten oan te bieden om de ûntwikkeling fan Thunderbird as fergese en iepen boarne software fier yn de takomst te stypjen.

Wy hawwe in groeiend team fan talintfolle meiwurkers dy’t Thunderbird ûntwikkelje en ûnderhâlde, gearwurkje mei ús mienskip en partners, en wurkje om Thunderbird te leverjen oan brûkers oer de hiele wrâld.