Wa't wy binne

Kom yn de kunde mei Thunderbird

Thunderbird is in fergese en iepenboarne softwareprojekt oprjochte yn 2003 om kommunisearjen en gearwurkjen better te meitsjen. Wy wurde stipe troch it talint en donaasjes fan tûzenen royale persoanen en wurde stipe troch Mozilla. Essinsjele wearden liede ús en meitsje ús wurk relevant. Lês fierder om mear te learen.

Wearden

Mienskip

Organisaasje

Laad troch Wearden

Privacy

Jo binne net it produkt.

Foar ús binne gegevenseigendom en privacy jo rjocht, wêr’t jo ek wenje. Us ynset foar jo persoanlike gegevens is ienfâldich:

Wy sammelje of bewarje jo gegevens, útsein as jo ús freegje dit te dwaan.
Wy besteegje in protte soarch om it feilich te hâlden tsjin misbrûk.
Wy sille se nea ferkeapje.
Jo behâlde it eigendom en de kontrôle deroer.

Lês it privacybelied

Frijheid

Thunderbird is fan jo (en fan de wrâld).

Thunderbird is fergees en iepen boarne software, wat betsjut dat de koade beskikber is om frij yn te sjen, te wizigjen, te brûken en te dielen. De lisinsje soarget der ek foar dat it foar altyd fergees bliuwt. Jo kinne Thunderbird tinke as in kado fan tûzenen meiwurkers oan jo.

Mear oer MPL 2.0

Stim

Jo hawwe in oandiel yn de takomst fan Thunderbird.

Thunderbird is frij fan de kommersjele easken en stimulânsen dy’t faaks softwareûntwikkeling liede. Elkenien kin belutsen wurde by it helpen om Thunderbird better en beskikber te meitsjen foar mear minsken. In troch meiwurkers keazen ried soarget derfoar dat Thunderbird trou bliuwt oan syn wearden en misje.

Oandreaun troch de Mienskip

Elkenien kin helpe om Thunderbird better te meitsjen. Programmeurs kinne bydrage oan funksjes dêr’t se hertstochtlik oer binne of de besteande koade ferbetterje. Wa’t meartalich is, kin Thunderbird foar elkenien tagonklik meitsje. Wa’t dat wol, kin nije ferzjes fan Thunderbird teste en problemen dokumintearje. Der binne in protte manieren om diel te wurden fan in bloeiende mienskip dy’t Thunderbird unyk makket. En as jo gjin tiid hawwe om frijwilligerswurk te dwaan, kinne jo it projekt helpe troch donaasjes.

Lês hoe’t jo meidwaan kinne

Stipe troch Mozilla

Thunderbird wurket yn in dochterûndernimming mei winsteachmerk fan de non-profitorganisaasje Mozilla Foundation. Dit jout ús fleksibiliteit by it oanbieden fan opsjonele betelle tsjinsten om de ûntwikkeling fan Thunderbird as fergese en iepen boarne software fier yn de takomst te stypjen.

Wy hawwe in groeiend team fan talintfolle persoanen yn tsjinst om Thunderbird te ûntwikkeljen en ûnderhâlden, mei partnerorganisaasjes te wurkjen en it berik fan Thunderbird oer de hiele wrâld te maksimalisearjen.