Dynamyske yntegrale arkbalke
Supernova hat ien dynamyske arkbalke, dy’t faak brûkte en kontekstuele opsjes presintearret basearre op it ljepblêd of de funksje dy’t op dit stuit aktyf is. Nim folsleine kontrôle troch de arkbalke- en finsteryndieling oan te passen om perfekt te passen by jo manier fan wurkjen.
Prachtige ikonografy
Supernova is mear as allinnich in fernijde set ôfbyldingen, it yntrodusearret prachtige piktogrammen mei in mear konsistinte fisuele styl, dy’t unyk is foar Thunderbird. Us nije ûntwerpen bliuwe skerp en pixel-perfekt by elke tichtensynstelling.
Ienfâldige tichtensynstelling
Wurkje mei meardere byldskermen en byldskermresolúsjes? Supernova lit jo de perfekte tichtensynstellingen en lettergrutten foar de hiele applikaasje, mei mar ien klik fan it appmenu út.
Nije + sortearbere mapmodi
Supernova biedt jo mear kontrôle troch sortearbere mapmodi te yntrodusearjen. Toan al jo labels yn it mappepaniel, skeakelje lokale mappen yn en út, of ferpleats jo favorite mapmodusseksjes omheech en omleech mei ien klik. Minder skowe, mear produktiviteit.
Modernisearre kaartwerjefte
Supernova’s nije kaartwerjefte is ús ferzje fan de bekende fertikale opmaak foar de berjochtelist, perfekt foar minsken dy’t gewoan binne oan moderne webmail. Kaartwerjefte emulearret in mobile interfacelist mei stipe foar meardere rigels en biedt in komfortabeler uterlik om kognitive belesting te ferminderjen.
Ferbettere adresboek
Supernova bliuwt fierder bouwe op it modernisearre adresboek dat yntrodusearre is yn Thunderbird 102. Jo sille genietsje fan in nije tabelwerjefte, in ferbettere bewurkingswerjefte, fuortsmytknoppen en bettere tagonklikheid.
Utwreide tagonklikheid
Supernova ferbetteret Thunderbird syn toetseboerdnavigaasje en tagonklikens foar skermlêzers oer de hiele applikaasje. Wy hawwe ek gâns de mooglikheid útwreide om troch de e-mailynhâld en knoppen mei help fan de TAB- en pylktoetsen te navigearjen.
Ferbettere agindaûntwerp
As ûnderdiel fan in trochgeand besykjen om Thunderbird’s aginda te modernisearjen en te ferbetterjen, yntrodusearret Supernova in ferbettere ‘mini-moanne’-yndieling, ferbetteringen oan it raster foar dei/wike/moanne, in noflik kleurepalet, en noch ferskate lytse wizigingen.
Der komt mear!
Supernova is konstant yn ûntwikkeling. It hiele kommende jier sille wy in protte ferbetteringen leverje oan besteande Supernova- funksjes en wy yntrodusearje gloednije. Fernij nei ferzje 115 en belibje de takomst fan Thunderbird!