ვინ ვართ ჩვენ

გაიცანით Thunderbird

Thunderbird უფასო და ღია წყაროს მქონე პროგრამაა, რომელიც დაარსდა 2003 წელს ურთიერთკავშირისა და თანამშრომლობის გასაუმჯობესებლად. ჩვენი საყრდენია ნიჭიერება და დიდსულოვნება ათასობით ცალკეული პირისა თუ Mozilla-ს ოჯახის მონაწილეებისა. არსებითი ღირებულებებია, რაც წარმართავს ჩვენს საქმიანობას და ხდის მას მეტად მნიშვნელოვანს. განაგრძეთ უფრო ვრცლად გასაცნობად.

მართული მხოლოდ ღირებულებებით

ხალხის ერთობით მართული

ყველას აქვს საშუალება დაგვეხმაროს, რომ განვავითაროთ Thunderbird. პროგრამისტებს შეუძლიათ მათთვის მეტად სასურველი შესაძლებლობის დამატება ან არსებული კოდის დახვეწა. მრავალენოვან ხალხს შეუძლია Thunderbird გახადოს საყოველთაოდ ხელმისაწვდომი. მსურველებს შეუძლიათ მოსინჯონ ახალი Thunderbird და აღნუსხონ ხარვეზები. მრავალი გზაა, გახდეთ იმ წარმატებული ერთობის ნაწილი, რომელიც ხდის Thunderbird-ის მეტად გამორჩეულს. თუ არ გაქვთ დრო მოხალისეობისთვის, შეგიძლიათ თანხით შეგვეწიოთ საქმიანობის დაფინანსებისთვის.

მართული მხოლოდ მოხალისეების მიერ

Thunderbird-პროექტს ხელმძღვანელობს Thunderbird-ის საბჭო, არჩევითი დაწესებულება, რომელიც მუშაობს ღია წყაროს პროექტების მმართველთა კრების მსგავსად. საბჭო დაარსდა 2014 წელს, არჩეულია მოხალისეების მიერ და წარმოადგენს მათს ხმას Thunderbird-ის სტრატეგიული მიმართულებისა და მიზნების განსაზღვრისას. საბჭო ზედამხედველობს სახსრებს, ამტკიცებს შემოსავალ-გასავლის ხარჯთაღრიცხვას, ადგენს წარმოების სამოქმედო გეგმას და უზრუნველყოფს, რომ Thunderbird დარჩეს თავისი ძირითადი ღირებულებების ერთგული.

ნაწილი Mozilla-ოჯახისა

Thunderbird მოქმედებს როგორც ცალკე მდგომი მოგების მომტანი დაწესებულება, რომლის მშობელიცაა არამომგებიანი Mozilla.org. ეს მიდგომა მოქნილი საშუალებაა, რომ შევძლოთ დამატებითი ფასიანი მომსახურებების შემოთავაზება Thunderbird-ის სამომავლო განვითარების შესანარჩუნებლად.

ჩვენ გვყავს მზარდი გუნდი ნიჭიერი თანამშრომლებისა, რომლებიც ავითარებენ და ინარჩუნებენ Thunderbird-ს ჩვენს ერთობასთან და მოკავშირეებთან შეთანხმებული საქმიანობით, ამასთანავე ზრუნავენ, რომ Thunderbird მიეწოდოს მომხმარებლებს მთელ მსოფლიოში.