ვინ ვართ ჩვენ

გაიცანით Thunderbird

Thunderbird უფასო და ღია წყაროს მქონე პროგრამაა, რომელიც დაარსდა 2003 წელს ურთიერთკავშირისა და თანამშრომლობის გასაუმჯობესებლად. ჩვენი საყრდენია ნიჭიერება და დიდსულოვნება ათასობით ცალკეული პირისა თუ Mozilla-ს ოჯახის მონაწილეებისა. არსებითი ღირებულებებია, რაც წარმართავს ჩვენს საქმიანობას და ხდის მას მეტად მნიშვნელოვანს. განაგრძეთ უფრო ვრცლად გასაცნობად.

ღირებულებები

ერთობა

დაწესებულება

ჩვენი გაცხადებული მიზანი

მართული მხოლოდ ღირებულებებით

პირადულობა

თქვენ არ წარმოადგენთ ვინმეს პროდუქტს.

მიგვაჩნია, რომ თქვენი მონაცემების საკუთრების უფლება და პირადულობა ხელშეუხებელია, სადაც არ უნდა ცხოვრობდეთ. ჩვენი ვალდებულება თქვენს პირად მონაცემებთან შეხებისას მარტივია:

არ ვაგროვებთ და არ ვინახავთ, თავად თუ არ ისურვებთ.
დიდი მზრუნველობითა და სიფრთხილით ვიცავთ არასათანადო გამოყენებისგან.
არასდროს ვვაჭრობთ მისით.
თავად ინარჩუნებთ მისი განკარგვისა და მართვის სადავეებს.

გაეცანით პირადულობის დებულებას

თავისუფლება

Thunderbird გეკუთვნით თქვენ (და მსოფლიოს).

Thunderbird უფასო და ღია წყაროს მქონეა, ანუ თავისუფლად შეიძლება მისი კოდის ნახვა, ჩასწორება, გამოყენება და გაზიარება. თავისივე ლიცენზია უზრუნველყოფს, რომ დარჩეს მუდამ თავისუფალი. Thunderbird შეგიძლიათ მიიჩნიოთ მოძღვნილ საჩუქრად ათასობით შემომწირველის მიერ.

ვრცლად იხილეთ MPL 2.0

ხმა

თქვენ შეგიძლიათ Thunderbird-ის მომავლის შექმნა.

Thunderbird თავისუფალია მოგების მიღებისა და სხვა მსგავსი წამქეზებელი საშუალებებისგან, რომლებიც ხშირად წარმართავს ხოლმე პროგრამული უზრუნველყოფის შემუშავებას. ნებისმიერს შეუძლია ჩაერთოს და განავითაროს Thunderbird ან მეტად გაავრცელოს ხალხში. მოხალისეების მიერ არჩეული წარმომადგენლობა უზრუნველყოფს, რომ Thunderbird დარჩეს თავისი ღირებულებებისა და მიზნის ერთგული.

ხალხის ერთობით მართული

ყველას აქვს საშუალება დაგვეხმაროს, რომ განვავითაროთ Thunderbird. პროგრამისტებს შეუძლიათ მათთვის მეტად სასურველი შესაძლებლობის დამატება ან არსებული კოდის დახვეწა. მრავალენოვან ხალხს შეუძლია Thunderbird გახადოს საყოველთაოდ ხელმისაწვდომი. მსურველებს შეუძლიათ მოსინჯონ ახალი Thunderbird და აღნუსხონ ხარვეზები. მრავალი გზაა, გახდეთ იმ წარმატებული ერთობის ნაწილი, რომელიც ხდის Thunderbird-ის მეტად გამორჩეულს. თუ არ გაქვთ დრო მოხალისეობისთვის, შეგიძლიათ თანხით შეგვეწიოთ საქმიანობის დაფინანსებისთვის.

იხილეთ, როგორ შეგიძლიათ ჩაერთოთ

მართული მხოლოდ მოხალისეების მიერ

Thunderbird-პროექტს ხელმძღვანელობს Thunderbird-ის საბჭო, არჩევითი დაწესებულება, რომელიც მუშაობს ღია წყაროს პროექტების მმართველთა კრების მსგავსად. საბჭო დაარსდა 2014 წელს, არჩეულია მოხალისეების მიერ და წარმოადგენს მათს ხმას Thunderbird-ის სტრატეგიული მიმართულებისა და მიზნების განსაზღვრისას. საბჭო ზედამხედველობს სახსრებს, ამტკიცებს შემოსავალ-გასავლის ხარჯთაღრიცხვას, ადგენს წარმოების სამოქმედო გეგმას და უზრუნველყოფს, რომ Thunderbird დარჩეს თავისი ძირითადი ღირებულებების ერთგული.

იხილეთ ვრცლად Thunderbird-ის საბჭოს შესახებ

Philipp Kewisch

საბჭოს თავმჯდომარე

Patrick Cloke

საბჭოს მდივანი

Magnus Melin

საბჭოს წევრი

Michele Zelco

საბჭოს წევრი

Tim Maks van den Broek

საბჭოს წევრი

Teal Dulcet

საბჭოს წევრი

ნაწილი Mozilla-ოჯახისა

Thunderbird წარმოადგენს დამოუკიდებელ, არამომგებიან შვილობილს Mozilla-ფონდისგან. ამგვარი დანაწილება მეტი მოქნილობის საშუალებას იძლევა დამატებითი ფასიანი მომსახურებების შემოთავაზებისას Thunderbird-ის სამომავლო განვითარების მდგრადი შენარჩუნებისთვის.

ჩვენ გვყავს მზარდი გუნდი ნიჭიერი თანამშრომლებისა, რომლებიც ავითარებენ და ინარჩუნებენ Thunderbird-ს ჩვენს ერთობასთან და მოკავშირეებთან შეთანხმებული საქმიანობით, ამასთანავე ზრუნავენ, რომ Thunderbird მიეწოდოს მომხმარებლებს მთელ მსოფლიოში.