Davart nus

Scuvra Thunderbird

Thunderbird è in project da software libra open-source, fundà l’onn 2003 per facilitar la communicaziun e la collavuraziun. Nus vegnin sustegnids dal talent e da la generusadad da millis persunas ed essan part da la famiglia Mozilla. Valurs essenzialas ans guidan e rendan relevanta nossa lavur. Legia vinavant per intervegnir dapli.

Valurs

Communitad

Organisaziun

Noss ideal

Guidà da valurs

Sfera privata

Ti n’es betg il product.

Per nus èn la proprietad e la protecziun da tias datas tes dretg, tuttina nua che ti vivas. Nossa empermischun en connex cun tias datas persunalas è simpla:

Nus ni las rimnain ni las memorisain, nun che ti giavischias quai.
Nus avain quità da las proteger cunter maldiever.
Nus na las vendain mai.
Ellas restan tes possess e ti las controllas.

Legia las directivas per la protecziun da datas

Libertad

Thunderbird tutga a tai (ed al mund).

Thunderbird è ina software gratuita ed open-source. Quai vul dir che ses code stat a disposiziun per al studegiar, modifitgar, utilisar e parter libramain. Sia licenza garantescha era ch’il program vegn adina a restar liber. Ti pos t’imaginar Thunderbird sco in regal da millis contribuent:as per tai.

Vegnir a savair dapli davart la MPL 2.0

Vusch

Ti giogas ina rolla en il futur da Thunderbird.

Thunderbird è deliberà da sforzs e stimuls commerzials che domineschan savens il svilup da software. Mintgin po participar per gidar a meglierar Thunderbird e metter a disposiziun il program ad anc dapli persunas. In cussegl elegì da las contribuent:as garantescha che Thunderbird mantegnia sias valurs e suondia ses ideal.

Guidà da la communitad

Mintgin po gidar a meglierar Thunderbird. Programmaders pon contribuir funcziuns ch’als stattan a cor u meglierar il code existent. Persunas plurilingas pon render Thunderbird accessibel ad ina e scadin. Tgi che vul po testar novas versiuns da Thunderbird e documentar problems. I dat bleras opziuns per daventar part dad ina communitad viva che fa da Thunderbird in program unic. E sche ti n’has betg il temp per lavur voluntara, pos ti sustegnair nossa lavur cun ina contribuziun finanziala.

Scuvra co ti pos collavurar

Governed by Contributors

The Thunderbird Project is guided by the Thunderbird Council, an elected body functioning much like a board of directors for an open-source project. Established in 2014, this council is elected by contributors and acts as their voice in determining Thunderbird's strategic direction and goals. The Council oversees funds, approves budgets, and shapes the product roadmap, ensuring Thunderbird remains true to its core values.

Learn more about the Thunderbird Council

Philipp Kewisch

Council Chair

Patrick Cloke

Council Secretary

Magnus Melin

Council Member

Michele Zelco

Council Member

Tim Maks van den Broek

Council Member

Teal Dulcet

Council Member

Part da la famiglia Mozilla

Thunderbird è situà en ina filiala separada orientada al profit da la fundaziun Mozilla. Questa structura ans dat la flexibladad da porscher servetschs opziunals cunter pajament per sustegnair il svilup da Thunderbird a lunga vista.

Nus avain in team adina pli grond dad emploiads talentads che sviluppeschan e mantegnan Thunderbird, collavureschan cun nossa communitad e noss partenaris e lavuran per metter a disposiziun Thunderbird ad utilisadras ed utilisaders sin l’entir mund.