Om oss

Møt Thunderbird

Thunderbird er eit gratis og ope kjeldekode-programvareprosjekt grunnlagt i 2003 for å gjere kommunikasjon og samarbeid betre. Vi blir støtta av talentet og generøsiteten til tusenvis av individ og ein del av Mozilla-familien. Vesentlege verdiar rettleiar oss og gjer arbeidet vårt relevant. Les vidare for å lære meir.

Styrt av verdiar

Driven av fellesskapet

Kven som helst kan bidra til å gjere Thunderbird betre. Programmerarar kan bidra med funksjonar dei brenn for eller forbetre den eksisterande koden. Dei som er fleirspråklege kan gjere Thunderbird tilgjengeleg for alle. Dei som er villige kan teste nye versjonar av Thunderbird og dokumentere problem. Det er mange måtar å bli ein del av eit blomstrande fellesskap som gjer Thunderbird unik. Og viss du ikkje har tid til å vere frivillig, kan du vere med å støtte arbeidet vårt med eit økonomisk bidrag.

Styrt av bidragsytarar

Thunderbird-prosjektet blir leidd av Thunderbird-rådet, eit valt organ som fungerer omtrent som eit styre for eit open kjeldekode-prosjekt. Rådet, som vart etablert i 2014, blir valt av bidragsytarar og fungerer som stemma deira i å bestemme Thunderbirds strategiske retning og mål. Rådet har ansvar for tilsyn med midlar, godkjenning av budsjett og utforming av vegkartet av produktet, og sikrar at Thunderbird held fram med å vere tru mot kjerneverdiane sine.

Ein del av Mozilla-familien

Thunderbird opererer i eit eige, for-profit dotterselskap av Mozilla Foundation. Denne strukturen gir oss fleksibiliteten til å tilby valfrie betalte tenester for å halde oppe Thunderbirds utvikling langt inn i framtida.

Vi har eit veksande team av dyktige medarbeidarar som utviklar og held ved like Thunderbird, samarbeider med fellesskapet vårt og partnarar og jobbar for å levere Thunderbird til brukarar over heile verda.