Cilët Jemi

Njihuni me Thunderbird-in

Thunderbird-i është një projekt software-i të lirë dhe me burim të hapët, themeluar më 2003-shin për të lehtësuar komunikimin dhe bashkëpunimin. Bazohemi në talentin dhe bujarinë e mijëra individësh dhe jemi pjesë e familjes Mozilla. Na udhëheqin vlera thelbësore dhe e bëjnë punën tonë me peshë. Për të mësuar më tepër, lexoni më tej.

Vlera

Bashkësi

Ent

Deklarim i Misionit Tonë

Udhëhequr nga Vlera

Privatësi

S’jeni produkt.

Për ne, pronësia dhe privatësia e të dhënave janë e drejta juaj, kudo që jetoni. Përkushtimi ynë për të dhënat tuaja personale është i thjeshtë:

S’i grumbullojmë, apo depozitojmë pa jua kërkuar.
Bëjmë kujdes të madh për t’i mbajtur të parrezik nga shpërdorimi.
S’do t’i shesim kurrë.
Pronësinë dhe kontrollin e tyre e mbani ju.

Lexoni Rregullat e Privatësisë

Liri

Thunderbird-i ju përket juve (dhe botës).

Thunderbird-i është Software i Lirë dhe Me Burim të Hapët, që do të thotë se kodi i tij mund të kihet për ta parë, ndryshuar, përdorur dhe ndarë me të tjerët lirisht. Licenca e tij garanton gjithashtu se do të mbesë i lirë përgjithmonë. Mund ta mendoni Thunderbird-in si një dhuratë të mijëra kontribuesve për ju.

Mësoni Rreth MPL 2.0

Një flluskë teksti me stemën e Thunderbird-it.

Zë

Keni një rol në të ardhmen e Thunderbird-it.

Thunderbird-i është i lirë nga domosdoshmëri dhe nxitje komerciale që shpesh udhëheqin zhvillimin e software-it. Cilido mund që përfshihet për ta bërë Thunderbird-in më të mirë dhe të passhëm nga më tepër njerëz. Një këshill i zgjedhur nga kontribuesit garanton se Thunderbird mbetet besnik ndaj vlerave dhe misionit të vet.

Drejtuar nga Bashkësia

Cilido mund të ndihmojë për ta bërë Thunderbird-in më të mirër. Programuesit mund të kontribuojnë veçori për të cilat janë të pasionuar, ose të përmirësojnë kodin ekzistues. Ata që janë shumëgjuhësh mund ta bëjnë Thunderbird-in të përdorshëm nga kushdo. Ata që duan, mund të testojnë versione të rinj të Thunderbird-it dhe të dokumentojnë probleme. Ka mjaft rrugë për t’u bërë pjesë e bashkësisë së gjallë që e bën Thunderbird-in unik. Dhe nëse s’keni kohë për gjëra vullnetare, mund të ndihmoni të përkrahet puna jonë përmes një kontributi financiar.

Mësoni Si të Përfshiheni

Qeverisur nga Kontribuesit

Projekti Thunderbird drejtohet nga Këshilli i Thunderbird-it, një organ i zgjedhur që funksionon pak a shumë si një bord drejtorësh për një projekt me burim të hapët. I themeluar më 2014-n, ky këshill zgjidhet nga kontribuesit dhe vepron si zëri i tyre në përcaktimin e drejtimeve dhe synimeve strategjike të Thunderbird-it. Këshilli mbikëqyr fondet, miraton buxhetet dhe i jap formë rrugës për te produktet, duke siguruar që Thunderbird-i u mbetet besnik vlerave të tij bazë.

Mësoni më tepër rreth Këshillit të Thunderbird-it

Philipp Kewisch

Drejtues Këshilli

Patrick Cloke

Sekretar Këshilli

Magnus Melin

Anëtar Këshilli

Michele Zelco

Anëtar Këshilli

Tim Maks van den Broek

Anëtar Këshilli

Teal Dulcet

Anëtar Këshilli

Pjesë e Familjes Mozilla

Thunderbird-i vepron në një nëndegë më vete, për fitime, të Mozilla Foundation. Kjo strukturë na jep zhdërvjelltësinë për të ofruar shërbime opsionale me pagesë, për të vazhduar zhvillimin e Thunderbird-it tej në të ardhmen.

Kemi një ekip gjithnjë në rritje nëpunësish të talentuar që zhvillojnë dhe mirëmbajnë Thunderbird-in, që bashkëpunon me bashkësinë dhe partnerët tanë dhe punon për ta dhënë Thunderbird-in te përdorues anembanë botës.